Cirurgia of Hantgewerck int lichame der menschen

10. Wat salmen doen tot wonden die seer bloijen ?

Ick sal besien ende wel merken van waer dattet bloet coempt, weder dat compt uvijte kleen aderen oft vuijte arterien. Coempt dbloet vuijte cleene aderen, soo loopet vuijte effen, slechtelinge, sonder schietinge. Dat sal ic stoppen met te verhoudene een wijle die dume daer op ende daer op leggen werc, genet int witte vanden eije, waert in den somer, oft die dodere ende twitte te gader geslegen, waert inden winter, oft daer mede dingen gemenct die stoppen als olibani, thus, draken bloet, hasen haer, ende bolus armenicus, ende daer op geleet ende tlet vp gehouden ende daer op gedropen cout water.

Ende en mach ic niet aldus die groote aderen oft arterien oft bloet stoppen, soe sal ic die enden bernen ende dan een plaester bouen daer op leggen als voirseit is, ende bindent wel op die wonden wel sluijtende met cusseneelen¹ aen elke sijde.

1 cusseneelen : het Hs. heeft cusseneeten.