Cirurgia of Hantgewerck int lichame der menschen

9. Hoe diepe steectmen die naelde ende cnooptmen den draet ?

Maer is die wonde diepe dat sij alsoo wel sluijten inden bodem als⁴ bouen. Ende die steke steect doir een gans pijpe daer inne, dat die naelde doirgaet ende die lippen vander wonden in gaen die de steken houden, ende dan soo knoop ic, den knoop toetreckende, soe dat een luttel smert, ende oijck nijet soo vaste dat ict te seer perse om eenige sweringe te makene oft apostemie. Ende (dattet) oick niet slap sij. En(de) vergadert alsoo wel beneden in den bodem als bouen, soo datter geen etter in en vergadert omme die wonden te fistileerne.

Ende aldus soo naeije ic alomme, ten ware in die dermen oft in eenige (p. 104) vellige⁵ stede. Ende (in) wonden die de dermen dweerse(n)⁶ soo moet ic den draet

4 Na als staat in het Hs. bodem doorstreept.

5 vellige : het Hs. heeft vellinge; bestaande uit vel.

6 Het Hs. heeft die de dweerse dermen soo; de passage is mij niet duidelijk.

[p. 34]

ouer worpen ende naijen als pelsmakers naijen, ende wonden inden buijc daer beijde de wege gewont sijn, ende dien dermen vuyt willen vallen, die soo moec ic naijen een deels alsmen schoens naeijt ende op die naet soo stroijt een puluer consolidatijf, alsoo ons die boeken seggen. Ende in nederstede der wonden soo steke ic een wike ende daer op legge ic werck genet als voirseit is.