Cirurgia of Hantgewerck int lichame der menschen

11. Waer aen salmen kennen een wonde die seere bloet, oft bloet coempt vuijt een adere oft vuijt eenre arterien ?

Ick soude seggen aldus doe ic ende kennet hier bij. Maer tbloet dat vuijt eenre ader compt dat loopt slecht, rechte voort vuijte ende effen. Maer tbloet dat vuijt eender arterien compt schotemael, steeckende, hortende ende springende, als die puls aderen vander herten beroerende, alsoo schiet dat bloet vuyte.