Het groote liede-boeck

377. Willecom Liedeken.

Op de wyse: Den dach die is soo vreuchdenrijck, etc.

⁺VVEest wellecom in desen tijdt,
Ghy sendtbode des Heeren,
Dat ghy tot ons ghecomen zijt,
Doet ons vreuchde vermeeren,
⁺Te recht seyt de Schriftuyr met schijn,
⁺Dat die voeten lieffelijck zijn,
⁺Van haer die comen spoedich,
Over die berghen bequaem,
Vrede Preken aenghenaem,
Heerlijck ende goedich.

Die ons vercondighen het goet,

⁺Die salicheyt verbreyden,
⁺Die ons toekomt deur Christum soet,
Die 'theyl ons ginck bereyden,
⁺Die ons condt maken syne cracht,
⁺Dat hy den vyant nam sijn macht,
⁺En eeuwich sal regneren,
Als een Coninck, die oock sal,
Met synen lieven ghetal,
⁺Heerlijck triumpheren.

V bootschap moet worden vruchtbaer,

Door den zeghen des Heeren,
Dat wy t'samen die goede maer
Aen nemen met begeeren,
En ons daer in verblyden seer,
Soo onsen tijdt nae Gods begeer,
Soecken deur te bringhen,
Dat synen Naem word' gheeert,
En sijn rijck altijdt vermeert,
Amen wy nu singhen.

+ 2.Cor.5,20.

+ Esai.52,7.

+ Num.1,15.

+ Rom.10,15.

+ Psal.98,3.

+ marc.16,16.

+ Ephes.1,19.

+ Ephes.2,15.

+ Apoc.11,15.

+ Apoc.7,15.