Het groote liede-boeck
(1625)–Leenaert Clock–
AuteursrechtvrijOp de wyse: van den 1. Psalm. Die niet en gaet, etc.
Ga naar margenoot+CRachtighe Godt, o lieve Vader mijn,
Wat souder doch onder den Hemel zijn,
| |
[Folio Nn5r]
| |
Dat my mocht troosten in mijn swaer benouwen,
Als ghy my niet vrientlijck en ginct aenschouwen,Ga naar margenoot+
Als mijn hemelsche medecijn in noot,
Ghy zijt goedich nochtans van machte groot.
Laet neder slaen en maeckt weder ghesontGa naar margenoot+
En ghy leyt onder, ja in der hellen grontGa naar margenoot+
En wederom uyt deur u handt seer crachtich,
Dit doet ghy Heer deur u voornemen machtich,
Vwe castydinghe zy over my,
V roede sal my leeren even vry.
Alsoo ick dan nu ben, o lieve VaerGa naar margenoot+
In uwen handen naeckt en bloot te gaer
Onder u roed' wil ick my willich voeghen,
V castyden geern draghen nae vermoghen,Ga naar margenoot+
Boeckt mynen rugghe onder u jock soet,
En breeckt in my Heere den stouten moet.
En maeckt uyt my (o lieve Heer) te recht,Ga naar margenoot+
Eenen Godtvresenden verneerden knecht
Nae u ghewoonheyt, en met uwen daden
Alsoo ghy pleecht te doen seer wel beraden
Op dat ick wandele nae uwen wilGa naar margenoot+
In u wel behaghen my draghen stil.
Soo lieve Heer beveel ick u met vlijt,
My en alle mijn saken in dees tijdt,
Op dat ghyse sout recht en beter maken
'Tis beter nu dan namaels straf te smaken,
Ghy weet alle dinghen en zijt ghewis,
Wat binnen in des menschen herte is.Ga naar margenoot+
GHY weet wat hier naemaels gheschieden sal
V en is niet verborghen over al,Ga naar margenoot+
Ten behoeft niet dat u yemant sou leeren
Oft u wijsheyt in u doen sou vermeeren
Oft dat men u sou doen eenich vermaen,
Van den saken die op der aerden gaen.
Soo wat goet is tot mynen besten deelGa naar margenoot+
| |
[Folio Nn5v]
| |
En my mach vorderlijck zijn int gheheel
En hoe veel my hier droefheyt is van nooden
Ga naar margenoot+Dat gheeft my nu om die zonde te dooden,
Doet met my naer u welbehaghen jent
Wat ick behoef is u 'tbeste bekent.
Beter als my, Heer laet my weten doch
Wat ick sal behoeven te weten noch
En dat ick 'tgeen mach op het hooghste loven
Dat u behaecht, en achten hooch daer boven
Wat by u kostlijck is en u behaecht,
V mishaghen verachten onversaecht.
En laet my niet oordeelen hoe het gaet,
Met uytwendighen ooghen hier een daet,
Noch naer 'tghehoor der ongheschickter menschen,
Maer (lieve Heer) gheeft my doch nae mijn wenschen,
Te oordeelen met rechten onderscheyt,
Alle dinck te rechten nae der waerheyt.
Recht rechtende 'tghesien en t'onsichtbaer,
Om dat wel t'onderscheyden reyn en claer,
En boven al, soecken u welbehaghen,
Ga naar margenoot+Want menschen zinnen connen alle daghen
Bedroghen zijn, 'sweerelts liefhebber blint,
Wordt bedroghen int gheen dat hy bemint.
Ga naar margenoot+'Tis al ydel al wordt men hoogh gheacht,
Wat is de mensch doch beter, 'tdient betracht
Een schalck die can den anderen bedriegen,
'Tis ongerijmt datmen hier hoogh wil vliegen
Somma des menschen achten en gelt niet,
Wanneer het, Heer, van u niet en gheschiet.
Soo groot is de mensche als ghy bequaem
Hem achtet, en daer nae oock aenghenaem,
O Heer wilt my u soo aenghenaem maken,
Betrouwende beveel ick u mijn saken
Weest ghy mijn berader tot alder stont
Dat bid ick u al uyt mijns herten gront.
|
|