Het groote liede-boeck
(1625)–Leenaert Clock–
AuteursrechtvrijOp de wyse: Adam was een verlooren Man: Ofte van den Linden smidt.
SIjt my by standich in den noot,
O mijn Godt, nae u goetheyt groot
Ghy kent mijn cleyn vermeughen,
Van deuchde ben ick naeckt en bloot
Om my recht te verheughen.
Siet mijn hert aen, maeckt dat bereyt,
Vervult het met gerechticheyt En met uwsGa naar margenoot+
Gheestes crachten, Gheeft my het rechte onderscheyt
Sijn wercken te betrachten.
Houdt my in u vrese altijdt,
Dat het quaet-doen van my vermijtGa naar margenoot+
Worde, en tot den goeden, Ick my mach
gheven met jolijt, So uwen wil bevroeden.
En wijslijck mach alsoo voortgaen,
Voorsichtich op de smalle baen,Ga naar margenoot+
| |
[Folio Dd7v]
| |
V vrese wel versinnen,
Van Menschen wijsheyt ledich staen,
Die dwaesheyt niet beminnen.
Teere ben ick, biedt my u handt,
En gheeft my Heer een recht verstandt,
Dat ick mach onderscheyden,
Het goet en 'tquaet, en soo int landt
My tot der deucht bereyden.
Te raden wat my 'tbeste zy,
Gheeft my des Gheestes crachte vry,
Waer ick sal heenen keeren,
Dat uwen heylighen Gheest seer bly,
My mach raden en leeren.
En my verstercke als een man,
Tot ick my overwinnen can, Die werelt heel vertreden
My leer ontrecken heel daer van,
En houden Christi zeden.
Sterckt my deur u conste midts dien,
Dat ick het onderscheyt mach sien,
Des goeden ende quaden, En so het onrechte
mach vlien, Treden in uwe paden,
Ga naar margenoot+DOCH eyndelijck gheeft my, o Heer,
Godtsalicheyt tot uwer eer, Op dat ick doch
mach wesen, Hemels ghesint nu altijdt meer
Als u lief Kindt ghepresen.
TER eeren Heer van uwen Naem,
Maeckt my dies weerdich en bequaem,
Soo sal ick my verblyden, En my als een
kindt ghehoorsaem, Schicken tot alle tyden.
|