Het groote liede-boeck
(1625)–Leenaert Clock–
Auteursrechtvrijop de wyse: Tobias tot sterven gheneghen.
IN onse roepen ende kermen,
Dat Godt hem onser wil ontfermen,
Soo laet // die maet // ons doch betrachten,
In ons ghedachten.
Aenmercken waer toe hy gaet keeren,
En sijn barmherticheyt vermeeren,
Dat wy // soo vry // die met verlanghen,
Moghen ontfanghen.
Crachtich de zonden hier beclaghen,
Ga naar margenoot+Want die nu leet en rouwe draghen,
Haer is // ghewis // de Heere goedich,
En seer lanckmoedich.
Ga naar margenoot+Op Ninive was Godt verbolghen,
Maer doe haer betringh deed' volghen,
Was Godt // doe tot // haer seer beradich,
Ende ghenadich.
By den teghenspoet int benouwen,
Staet Godt barmhertich int aenschouwen,
Is groot // in noot // zijn sijn ghenaden,
Grooter in daden.
Ga naar margenoot+Groot ist aen Israel ghebleken,
Door 'troepen en 'tghebedt uytspreken,
Doe sy // nae by // nu den doodt waren,
Naer Schrifts verclaren.
En die den Armen hier bedincken,
| |
[Folio T4r]
| |
Int cleeden, spysen ende drincken,
Dees zijn // nu fijn // weerdt te verbeyden,
Barmherticheyden.Ga naar margenoot+
Naer Christi Iesu eyghen reden,
Die de barmherticheyt hier deden,
Sy sal // voor al // haer oock gheschieden
Die't soo berieden.
Cortlijck sal hy barmhertich wesen,
Den ghehoorsamen in Gods vresen,
Erbermt // ontfermt // hem haerder spoedich
Nu overvloedich.
Recht mach men dit aen Paulo mercken
Dat Godt barmhertich in sijn wercken
Is siet // 'tgheschiet // doe hy sprack coene,Ga naar margenoot+
Wat sal ick doene.
In Godes vreese te aenverden,
Betrouwende daer in volherden,
Verwerft // beerft // oock vroech en spade,
Hier Gods ghenade.
Int Boeck der Psalmen staet geschrevenGa naar margenoot+
Dat Godt hem ontfermt hoogh verheven,
Als een // ghemeen // Vader niet minder
Over sijn kinder.
Nalatende nu die zondaren,
Die teghen ons doen, niet beswaren,
Maer quijt // altijt // schelden van herten,
Al sonder smerten.
En vergheven al sonder truyren,Ga naar margenoot+
Onsen naesten tot elcker uyren,
Wie vroet // dus doet // sal Godt vercooren
Nu gheern verhooren.
Neemt dit van my liefste int goede,
Met eenen Christlijcken ghemoede,
Ick groet // u soet // vry onverholen,
Weest Godt bevolen.
|
|