Het Rijper Liedtboecxken inhoudende hondert schriftuerlijcke liedekens dewelcke noyt voor desen in druck en zijn gheweest

[p. 193]

Het eenentaghtentighste Liedeken,

Op de wijse: O Broeders laet ons met vrolijckheyt
verheugen en sijn verblijdt.

AENhoort o menschen tsamen
Rijck arm Ionck ende out,
Wilt u de sonde schamen,
Niet langher t'quade bout
Hoort die Basuyn van Godes woort,
En leeft doch naet betamen,
Eer u den doot versmoort.

AL is de werelt blijde

LEert die wel kennen siet,
Rontsom breet ende wijde,
Toont sy schoon // maer tis niet:
Haer vreuchde eynt met groote smert,
Haer schijn rijckdom wilt mijde,
Want sy doorwont het hert.

Ick moet u nu aenspreecken

Ghy al die sijn ghestelt,
Om Godes Woort te Preecken,
Toont met macht en ghewelt
Dat ghy der menschen Zielen meynt,
Om die vant quaet te breecken,
Daer door sy wert ghescheynt.

AN u selven laet cleven

Gheen begheerten van eer,
Noch oock gheen sondich leven,

[p. 194]

 

Noch gheen begheerten meer

 

Van aerts rijckdom noch ander lust,

 

Soo mocht ghy sonder sneven,

 

In u hert sijn gherust.

 

SO sal het woort seer crachtich

 

Dat ghy tot eer van Godt,

 

Die menschen voordraecht machtich,

 

Dringhen tot Gods ghebodt

 

Tsal schaffen vrucht als edel saet,

 

In die menschen eendrachtigh,

 

Dus spaert niet vroech noch laet.

 

ONsen Heylant ghepresen

 

Die rechte harder schoon,

 

Set die voor u in desen,

 

Soo is hy uwen loon

 

Hem volcht nae met yver groot,

 

In alle uwen wesen,

 

Druckt uyt sijn Liefde bloot.

 

VAN niemant laet u keeren

 

Weest niet haestich versaecht,

 

Maer wil door lijden leeren,

 

Dats tgheen dat Godt behaecht

 

Nu int ghemeen, o menschen tsaem,

 

Hoort Godts woort met begheeren,

 

En looft daer nae bequaem.

 

Peynst altijdt op u leven

 

Dat ghy dat reformeert,

 

Nae Christi beelt verheven,

 

Dit neerstelijck useert

 

Leert van u Meester sijn manier,

[p. 195]

 

Ootmoedich en toegheven,

 

Sachtmoedich goedertier.

 

Peterus raet wilt achten

 

Bewijst deucht int gheloof,

 

Lijdtsaemheyt wilt betrachten,

 

Weest niet hoorende doof

 

Op dat ghy meucht ontfanghen schoon,

 

Die croon, hier op wilt achten,

 

Naemaels in s'Hemels troon.