Sjöddeköl. Rijmelkes in 't Mastreechs

(1947)–Hais Chambille– rechtenstatus



[pagina 21]
Kanneklitse Kruzer en kruiskes. Degeen dee op de wereld nog al get heet gepresteerd dee weurd mèt ein of aander kruus direk gedékoreerd; meh dee de mieste kruiskes droog en altied waor hiel braaf, dee krijg allein einvoudig weg e kruiske op ze graaf!
Idealis. Heer voch vrijwèllig veur zie land, betaold't mèt ze leve, e kruus woord op ze graaf geplant, door inkel lui nog ins bezeuk, mesjien, en daan hiel eve.
Verkezinge. Op de lui die us regere sjelle, kaankere, sjokere, väöl belaove, riddenere, en neet miejer daan prestere es zij zellef us regere!