Die vlakte en andere gedigte

[p. 36]

Bloeimaand.

Daar's 'n roering van ontwake

in die aardes moeder-skoot,

wonderwerkend opgestege

in elk dro'e stam en loot.

Elke twijgie van die vije

dra 'n pluimpie in die son,

- vreugde-kersies aangestoke
nou herlewings feest begon.

En in duisend duisendtalle

kom daar bruidjes, fijn en mooi,

- uit die dorre hout gebore,
ha'elblank en rose-rooi.

Elke tuin het hul verower
- voorjaars-vreug moet o'eral weer -

elke hartje vol van liefde,

elke boom 'n bruilofs-fees.

Dwelmend dwaal in louwe geure

jonge lewes drang en gloed

om herskeppend weer te gewe

lewe uit lewes owervloed.