Het gheestelyck opeeltjen van Hardoysche roose-bladers

Van den lievelijcken Nacht als den Heere Iesus gheboren was.

Stemme: Echo wil ick terghen.

Wat magh hier dogh wesen,
Den dagh schijnt gheresen,
’t Is midder-nacht maer,

[p. 38]

 

En het is middagh klaer,

 

Hoort ghy Herderinne,

 

Seght my veldt-vriendinne,

 

Wat schort hier in’t velt,

 

Dat alle onse Herders

 

Zijn soo seer ontstelt.

 

2. Wy moeten besoecken

 

Daer een Maeght in doecken

 

Aen ons toonen sal

 

Den Schepper vanden Al,

 

En Iesus hier loven,

 

Die naer Koninghs-hoven

 

Noch gheen boden sent,

 

Maer wilt van Landts-lieden

 

Hier eerst zijn ghekent.

 

3. Betehlehem van verre,

 

Als een mrghen-sterre

 

Voor mijn ooghen draeyt,

 

Waer door mijn hert verfraeyt,

 

Mijn ziel wilt ontvlieghen,

 

Om het Kindt te wieghen,

 

Dat aen d’Enghels gheeft

 

Al de rijcke gaven

 

Die den Hemel heeft.

 

4. Iesus wel ghekomen,

 

Iesus eer wy schroomen,

 

Dat u Majesteyt

 

Hier niet en vindt bereyt;

 

Sal dees Maghet komen

 

By de beesten woonen?

[p. 39]

 

Aen den grooten Godt

 

Dient Herodes kamer

 

Beter als dit kot.

 

5. Sal die alle volcken

 

Bedeckt met de wolcken,

 

Lijden onghemack

 

In een huys sonder dack?

 

Neen neen, zijt te vreden,

 

Iesus teere leden.

 

Moeten in dit huys

 

Eerst beginnen draeghen

 

’t Dierbaer Heyligh Cruys.