Sinne- en minnebeelden. Deel 1. Teksten

[p. 28]

Au tres-digne d'Honneurs & Bon-heurs, le Tresdocte signeur Iaques Cats, I.C. Sonnet Encomiastique Sur ses emblemes tripliques. aant.

Mon Dieu m'ayant osté mon loisyr de jadis

(Quand je rendoiz Angloiz du bartas & sa race)

I'avoiz ja dict adieu aux dames de Pernasse;

Pour mieux m'accommoder a ceux a qui je suis.

Mais, non-obstant ce voeu, me retenir ne puis

De maintefoiz mirer, & admirer la grace

Des chantres grave-gayz, dont la voix haute-basse

Tire de Terre au Ciel les bien-nayz beaux Esprits.

Tel, tel es tu, mon doux-docte-divin de cats,

Qui, en fin medicin, sucrant, dorant tes doses,

Fais avaller aux tiens saines & sainctes choses,

Dont, sans cest art, grand part taster ne voudroit pas,

Pourtant, si bien meslant avec le doux l'utile,

Triple Laurier j'appends a ton tri-lingue stile.

Iosuah Sylvester.