Sinne- en minnebeelden. Deel 1. Teksten

[p. 27]

Ad Amplissimum Ornatissimumque virum Iacobum Catzium I. C^tm Hominem triplici Emblemate graphice exprimentem. aant.

Amphitryoniades cluet inclytus, unam animam quod

Exuerit triplici corpore Geryonis:

Te quanto maior, catsii cate, adorea lustrat,

Qui triplici corpus unum animas anima?

Scilicet hoc potior Genii vis enthea nervis,

Hac mactus veterum robora summa praeis.

Artubus utque alii & nervis praeconia captant,

Sic graphicis surgant artibus illa tibi.

Ad eundem.

Qui ludens, tetricas ut demat pectore curas;

(Quas consultor ei curia quasque parit)

Erudit, & triplici conformat pectora gnome;

Quae genus omne hominum promonuisse valet.

Seria quanta dabit, quanta dabit indole digna,

Si vacuus nervos tenderit ingenii!

l.m.p.

J. Lyraeus.