Alle de werken. Deel 2

XVII. Op den aert en eygenschap van den elsch.

Men snoeyt meest al het hout, maer Elsch die snoeyt haer selven.
O mocht ick, lieve God! tot in mijn ziele delven,

En doen wat desen boom, uyt eygen aert, bedrijft,

Soo woud' ick noyt bestaen, wat vleesch of werelt stijft;

Soo woud' ick even staêgh mijn innigh wesen snoeyen,
Ja, woud' in mijn gemoet geen onkruyt laten groeyen;

Soo woud' ick alles doen, na uwen wijsen raet:

O ghy, die geeft de wil, verleent de volle daet!