Alle de werken. Deel 1

In emblemata clarissimi consultissimique viri D. Jacobi Catsii J.C.
Epigrammation.

Vidit et ingentem mirata est Itala tellus

Alciatum, tanti mente superba viri:

Seu tonat, et leges facundo edisserit ore,

Seu Themidis dignum numine condit opus.

Hunc quoque ludentem, sed seria, vidit, et illi

De lusu palmam, sed sapiente, dedit.

Alciati curas et seria vicerat ante

Catsius; ad lusus nunc et amoena venit.

Hic quoque, sed triplici palmam sermone meretur,

Ut ter sit victor, qui semel ante fuit.

DANIËL HEINSIUS.