Alle de werken. Deel 1

Au tres-digne d'honneurs et bon-heurs, le tres-docte seigneur Jaques Cats, J.C. sur ses emblemes tripliques.
Sonnet encomiastique.

Mon Dieu m'ayant osté mon loysir de jadis
(Quand je rendoiz Anglois Du Bartas et sa race)

J'avoiz ja dit adieu aux Dames de Pernasse:

Pour mieux m'accommoder à ceux à, qui je suis.

Mais, non-obstant ce voeu, me retenir ne puis

De maintefois mirer et admirer la grace

Des chantres grave-gayz, dont la voix haute-basse

Tire de Terre au Ciel les bien-nayz beaux Esprits.

Tel, tel es tu, mon doux-docte-divin de Cats,

Qui, en fin medicin, sucrant, dorant tes doses,

Fais avaller aux tiens saines et sainctes choses,

Dont, sanz cest art, grand part taster ne voudroit pas;

Pourtant, si bien meslant avec le doux l'utile,

Triple Laurier j'appends à ton tri-lingue stile.

JOSUAH SYLVESTER.