Extract uyt de Privilegie.
DE Staten Generael der vereenichde Nederlanden hebben geconsente ende gheoctroyeert, consenteren ende octroyeren mits-desen Adriaen vande Venne Schilder ende Teyckenaer woonende in s'Graven-Haghe, dat hy met de sijne voor den tijt van vijfthien Iaren naest-comende alleene inde vereenichde Provincien sal mogen doen drucken ende uytgeven seecker groot ende nieuw Poëtisch werck, ghenaemt HOVWELYCK, van d'Heer IACOB CATS, bestaende in ses verscheyden boucken, te weten, MAEGHT, VRYSTER, BRVYT, VROVWE, MOEDER, WEDVWE, mitsgaders de Mannelijcke tegen-Plichten. Verbiedende allen ende een yegelijcken ingeseten van dese Landen, het voorsz. bouck binnen den voorsz. tijt van 15. Iaren directelick ofte indirectelick, int geheel ofte ten deele, int groot ofte int kleyne in eenigerley tale te doen nadrucken, vercoopen ende uytgeven, ofte elders nagedruckt inde Vereenichde Provintien te brengen, vercoopen, ofte uyt te geven, sonder consent vanden voornoemden Adriaen vande Venne, by verbeurte vande selve nagedruckte exemplaren, ende daerenboven vande somme van ses hondert gulden, soo menichmael als bevonden sal werden desen contrarie gedaen te sijn, so wel by den vercooper, als by den drucker te verbeuren, t'appliceren een derdendeel daer van tot behouff vanden Officier die de kalangie doen sal, het tweede derdendeel tot behouf vanden Armen, ende het resterende derdendeel tot behouf vanden voorsz. Adriaen vande Venne met de sijne.
Ghedaen ter vergaderinge vande Hooch-gemelte Heeren Staten Generael in s'Graven-Hage opten 22. Martij, 1625.
Was onderteeckent, Anthonis de Rode, vt. noch laeger stont Ter Ordonnantie vande selve.
J. van Goch.
Men vint dese boucken te koop inden VVinckel van vvijlent Jan Pieter vande Venne tot Middelburgh. Ende oock by Adriaen vande Venne Schilder en Teyckenaer, vvoonende in s'Graven-Hage.
Auteursrechtvrij