Diversche liedekens
(1574)–Matthijs de Castelein–
Auteursrechtvrij
[pagina 72]
| |
 vraegh ic v onrustich,
Waer zydi lief wellustich!
Ouer onghesont
Js al mijn seer,
Jck ben ghewont
Ter doot, en meer,
Jck claeghs v deser minne
Uenus eerdtsche Godinne.
Si’ ick d’aenschijn soet.
Daert al aencleeft,
My walt mijn bloet,
Mijn lichaem beeft,
Hoe soudy my verblyen
O tijdt vul melodyen?
Ick seght v snel
Reyn diamant,
My faelt wat el
Dan faux samblant,
Commer gheen soeter luchten,
Helaes ick mach wel duchten.
Wat lydick drucks,
Noyt drouuer man:
Wat onghelucks
Comt my al an
| |
[pagina 73]
| |
Duer sulck onghier labeuren,
Rijck God hoe moet ick treuren!
Wat pynen swaer
Mijn herte leet,
Jck ween deur haer
Ueel tranen heet,
Wat droufheyt moet ick schouwen
Alst al rust mans en vrouwen!
U hert’ is ontstelt,
Dul en confuys,
Seer loor opt tvelt,
Perplex in huys,
Om dat ick se moet laten,
Hoe drouuich achter straten!
Princesse gent
Jck bins ghestilt,
Bluscht mijn torment,
Jndien ghy wilt,
Jck moet vermalendyen
Tghepeys vul van enuyen.
|
|
