Diversche liedekens

[p. 61]

Een ander.XXV.

JC danck’ v Uenus op dit pas
Van deser nieuwer minne,
Och hoe wy doen gaudeerden,
Hoe vriendelic wy sproken:
Wy laghen bee ghedoken
Bet dan icx doe ghewach,
My docht dat ick in roode rooskins lach.

[p. 62]

 

Wy laghen al den nacht vergaerdt,

 

Jck hadde al mynen wille,

 

Elck onser toochde zynen aerdt,

 

Gheen tijdt en lach zy stille:

 

Sy speelde my een toerkin,

 

En boodt my en wat warems:

 

Te wylen vaechdick tvloerkin,

 

Sy dau my in haer arems,

 

Ende achter veel ghecarems,

 

Noyt hoe zy my besach,

 

My docht dat ic in roode rooskins lach.

 

 

 

Noyt ooghen saghen sulck een spel

 

Als wy daer bee beseuen:

 

Gheen tonghe en soudt volspreken wel

 

De vreuchd die wy bedreuen:

 

Wy speelden mette schaexkins

 

En draeyden Uenus wostkins,

 

Sy custe altoos mijn caexkins,

 

Ende ick taste haer schoon bostkins,

 

Noyt vriendelicker lostkins,

 

Noyt amoreuser dach,

 

My docht dat ick in roode rooskins lach.

 

 

 

Ons vreucht was weerd thien duysent pondt,

 

Noyt spel van meerder weerden,

 

Wy laghen tsamen mondt aen mondt,

 

Alsoo naer als tghers der eerden,

 

Jck sach dat soete struycskin,

 

En zy bekeeck mijn veelkin,

[p. 63]

 

Doen clam ick op haer buyckskin,

 

En sy ontfijnck mijn steelkin,

 

Wy speelden d’oude speelkin

 

Ghelijck ons vader plach,

 

My docht dat ick in roode rooskins lach.

 

 

 

Den dach die quam, die nacht verghinck,

 

Die maecht die moest haer cleeden:

 

Sy claechde seer dat sotte dinck

 

Dat zy daer af moest scheeden:

 

S’en was niet om verdrouuen,

 

Jck sacht wel aen haer seden:

 

Wy ghinghent weer herprouuen

 

Doch was zy bet te vreden,

 

Wy maecten moede leden,

 

G’helijck elck wel peysen mach,

 

My docht dat ick in roode rooskins lach.