Diversche liedekens

Een ander.XXIIJ.

O Tijt zeer lustich vol melodyen,
O tsMeys seysoen edel zonder ghenoot,
Als ghijt vervroeyt al en doet verblyen,
Deur tfel ghepeys sterf ick de doot
Blijft my laes mijn hertkin zwaer als een loot:
Als de ghegriefste,
Dat doet helas tverlanghen groot
Naer d’alderliefste:

[p. 55]

 

 

Al mijn bloet verwalt

 

Mijn zinnen treuren:

 

O Jocus wat salt

 

Uan my ghebeuren?

 

Het comt ny daer veuren,

 

Jck wilt haer claghen:

 

O Godt Cupido rasch sonder traghen,

 

Laet haer dat ander cleen voghelkin mijn boodschap draghen.

 

 

[p. 56]

 

Deur haer zoo lyd’ick seer groote onvrame

 

Peysen end’ herpeysen valt my rebel,

 

Den dach is altijts my onbequame

 

Meest deel tsnachts soo waeck’ic vol pynen fel:

 

Wien zou ghenoughen zulck een spel

 

Uol van venyne?

 

Gheen tijt ben ic sonder ghequel

 

Noch sonder pyne:

 

Mijn natuere streckt

 

Tot harer weerden:

 

Haer fier wesen treckt

 

Meer dan thien peerden:

 

Wie zoude dit heerden

 

Meest t’allen daghen?

 

O Godt Cupido, rasch sonder traghen,

 

Laet haer dat ander cleen voghelkin mijn boodtschap draghen.

 

 

 

Drucx heb ick couuer meer dan ick wensche,

 

Nemmermeer gheen troost, maer al teghenspoet,

 

Niet en verandert soo zeer den mensche

 

Als alleene de nieuwe minne zoet.

 

Wie zou ghedincken zulcken gloet

 

Als doedt hem schande?

 

Tfier baerdt hem zeluen wiesmen doet

 

Met zynen brande:

 

Uenus groot virtuyt

 

Cant soo bestieren,

 

Sy neemt haer tribuyt

[p. 57]

 

Van allen dieren:

 

Sulck zijn haer manieren

 

Soo wijt ghewaghen:

 

O Godt Cupido, rasch sonder traghen etc.

 

 

 

Dat ick dus dichte met goeder moeten

 

Jn bosschen, op velden, al mijn ghebreck,

 

Dats mijnder pynen een groot verzoeten:

 

Gheen vriendt soo ghetrouw die ics doe ontdeck

 

Jck vreese te zeer den valschen beck

 

Nieuers ghepresen:

 

Mocht ick haer zelf doen een vertreck,

 

Jck waer ghenesen:

 

Alleen dit regaerdt

 

Doet my veel nesen,

 

Haers zoeten aerdt

 

Passeert alle rosen:

 

Wat dienen veel glosen?

 

Ken derfs niet vraghen.

 

O Godt Cupido, rasch sonder traghen Laet etc.

 

 

 

U lieght wt t’bosch derwaerts als nu ten tyde,

 

Seght dees schoon princesse dees woorden net

 

Dat ick in boomen ons minne snyde,

 

Als die groeyen, groeyt ooc ons liefde met,

 

Belieuet zoo vrou Uenus wet

 

Sy sal noch wassen:

 

Jck leue op hope, ken mach niet bet

 

Tott eens zal passen.

 

Jck ben t’eynden raedt,

[p. 58]

 

Mijn zinnen dolen,

 

Noyt gloedt was soo quaedt

 

Als tvier verholen:

 

Laes wies werdt bequolen,

 

Jck druck mijn slaghen

 

O Godt Cupido, rasch sonder traghen

 

Laet haer dat ander cleen voghelkin mijn boodtschap draghen.