Diversche liedekens

Een ander.XXIJ.

GHepeys ghepeys vol van envyen,
Dwelc oorspronc sijt dat menich treurt,
Hoe queldy my met fantasyen?
My dunct dat my mijn herte scheurt:
God gheue haer vreucht deur wient gebeurt
Als doetse my dees quale:
Haer wesen fier heeft my bekeurt
Midts tcoleur

[p. 52]

 

 

van corale,

 

Rascht v ghy nachtegale,

 

Ulieght wt dat wilde waut,

 

Seght haer dit altemale

 

En groetse my duysentfaut.

 

 

 

Ick peyse om Uenus disciplyne

 

Die my dus laet’ zandt desen zucht:

 

Hoe spagher liefde hoe meerder pyne,

 

Hoe blender wonde hoe argher ducht:

 

Te tyelick fruyt neemt saen de vlucht

 

Ghepluckt ten groenen dale,

 

Men prijst best een volwassen vrucht

 

Gh’lijck is dees cuyssche smale,

 

Rascht v ghy nachtegale

 

Ulieght wt dat wilde waut,

 

Seght haer dit altemale

 

En groetse my duysentfaut.

 

 

 

Beloften vele is sy my schuldich,

 

Maer onder alle, eene excellent,

 

Daer naer verlanght my menichvuldich:

 

Watt is, is haer en my bekent:

 

Wies ick bedrijue in mijn conuent

[p. 53]

 

Dit altoos ick verhale:

 

Uind’ick my leich, als isse absent,

 

Uan haer ick niet en fale:

 

Rascht v ghy nachtegale,

 

Ulieght wt etc.

 

 

 

Ghepeys hoe zou ic dy niet ghehinghen,

 

Jck moet helas, tis grooten noot,

 

Dat doen thien duysent vremde dinghen

 

Ons been ghebeurt: zy weett al bloot,

 

Wy drincken vreught en droefheyt groot

 

Bee wt tsFortuynen schale:

 

Deur tswaer ghepeys van dit exploot

 

Thert sterft al waert van stale:

 

Rascht v ghy nachtegale, Ulieght wt etc.

 

 

 

Mochtmen met cruyde oft medicynen

 

Ghenesen mijnder liefden brant,

 

Jck waer ghenesen vander pynen,

 

Maer neent, ten helpt zulck onderstant,

 

Dies gaett helas aen mynen cant

 

Deur d’last der minnen strale:

 

Jck vlouck den afgodt die my bant

 

Met Uenus bitter dwale:

 

Rascht v ghy etc.

 

 

 

Princesse, ick zwijghs veel om een beter,

 

Als ick peyse om ons oude spel,

 

Jck en vant ter weerelt noyt secreter,

 

Dies vrees’ ick niet dees nyders fel,

 

Urou Uenus dect haer kinders wel

[p. 54]

 

Draghen zy hoesssche tale:

 

Tsal al wel zijn, doet mijn bevel,

 

Schoon lief, dats tprincipale:

 

Rascht v ghy nachtegale, Ulieght wt etc.