Diversche liedekens

Een ander. XIX.

op den voys van Jck vrijdde een vroukin.

SPringht alle zeer wijfs ende mans,
Knechtkins en Meyskins tsamen:
Laet ons verheughen desen dans
Twerdt t’onser alder vramen:
De mare is hier
Jnt Ulaemsch vergier,
T’bescheyt mach elck wel horen,
Lof hoogst Princier

[p. 44]

 

Uan dit bestier,

 

Een Prince is ons gheboren.

 

 

 

Den Ulamingh is vreese ende ducht

 

Gheweerdt met veel calaignien:

 

Gheboren was dees edel vrucht

 

Nu cortelinghe in Spaignen:

 

Dien Godt bemindt

 

Dwaelt niet een twindt,

 

Laet ons hem niet verstoren:

 

Deur dit bewindt

 

Weest vro ghesindt.

 

Een Prince is ons gheboren.

 

 

 

Danst alle zeer deur dit bedrijf

 

Ons blijft nu paeys en minne:

 

Godt wil vertroosten t’reyne wijf

 

Ons edel Keyserinne:

 

Noyt zulck een pant

 

Ueur onderstrant

 

Quam ons van haer te voren.

 

Schoon Ulaender-lant

 

Weest nu playsant,

 

Een Prince is ons gheboren.

 

 

 

Prince, hooghste Godt t’ons liberael,

 

Lof v deur dit ghevaren:

 

Wy bidden ghy desen Uassael

 

Ons langhe wilt bewaren,

 

En sparen doet

 

Ueur teghenspoet

 

 

[p. 45]

 

Wy hebben wtvercoren:

 

Lof hooghste goet

 

Met sin en moet,

 

Een Prince is ons gheboren.