Diversche liedekens
(1574)–Matthijs de Castelein–
Auteursrechtvrijop den voys van Helas, helas.EEn vreughdich liedt moet ick vermanen
Tot tslandts profijt, wiedt mach benyen,
Doornijck ghewonnen en Melanen,
De prinse ghedaen veur Pavyen
En is gheen ghelijck by nu ten tyen
Ter Spaenscher stede:
Keyser en Coninck wilden belyen
Paeys en vrede:
Vaste alliance en vriendtschap mede
Sloten zy goetwillich int vergaren:
Dees mare passeert alle ander maren.
| |
[pagina 42]
| |
Bourgoignen gheeft hy als diedt ionne,
Cuarloys Chynon die schoone sale,
Noyhiers, sinte Laurens, Danchonne:
Uoort sal den Coninck wel ter tale,
Corts ondertrouwen van Portugale
Die Coninghinne:
Dies blijft dit aerdtsche dal al te male
TsKeysers ghewinne.
Tschoon Ulaender-landt, midts paeys en minne,
En zal gheen hommage meer beswaren:
Dees mare passeert alle ander maren.
Uoort renuncierdt hy buyten banden
Doornijcke en Tornesijtsche tsamen,
Graefschappen, Rijcken en veel landen
Die int contract al staen by namen,
D’hertogh van Gheldre, tsijner onvramen,
Moet hy beswijcken:
Maer zal d’landt houden, naer d’wel betamen,
Om zijn verrijcken.
Ter doot zalt zelue ons Keyser strijcken,
T’verbadt dus den Coninck int verclaren:
Dees mare passeert alle ander maren.
Wertenborch en La Marche beede
Beswijckt den Coninck int tracteren:
Den Dolphijn troudt hier naer met eede
Marien iongh, weerdt om crooneren:
Bee tsConincs kinders, int concluderen,
Werden d’ostage.
| |
[pagina 43]
| |
Borbon en machmen niet refuseren
Sijn oud hommaghe.
Twalef galeyen int voyage
Sal ooc ter zee Franchois laten varen:
Dees mare passeert alle ander maren.
Prince, op ons weluaert gheen tijt fluerich,
Almachtich Godt zydy beseuen.
Houdt desen paeys voor ons gheduerich,
En laet de cruysvaert ons aencleuen:
Uerleent den Keyser een zalich leuen
Als vry van rouwe:
Den Uranckschen Coninck ghesalft verheuen
Bewaert oock nouwe.
Nu heb wy paeys in ons Landouwe,
Jck hope ghy ons voort noch zult bewaren:
Dees mare passeert alle ander maren.
|
|