Diversche liedekens

Een ander. XIIIJ.

[p. 34]

FOrtune wien maect my vol zorghen?
Tresoor van alle schoone lyuen:
Uie zijn ghepeysen houdt verborghen
Dinct ost zijn zinnen dicwils kyuen.
O fleur van wyuen,
U zal ic blyuen,
Als moet mijn clachte dijn verholen zijn,
Wat ic begeer schoon lief, dat moet ghestolen zijn.

UUie zal hem onder t volck gheneeren?
Qua tonghen bringhent al in plaghen,
Dies moet ick helen mijn begheeren:
Niet voor secrete liefde draghen,

[p. 35]

 

Noyt ooghen zaghen

 

Meerder mishaghen

 

Dan van my moet, deur v, bequolen zijn:

 

Wat ick begheer schoon lief, dat moet ghestolen zijn.

 

 

 

Uoor t volck begheer ic niet met allen:

 

Tfy rommers daedt, tfy quae planete,

 

Jck hope d’ure zal eens ghevallen

 

Dat ick zal commen ten vermete.

 

Hier af de wete

 

Blijft int secrete,

 

Als souden dies mijn zinnen in dolen zijn,

 

Wat ick begheer schoon lief, dat moet ghestolen zijn.

 

 

 

Secreet voedt alle ionghe ieughden,

 

Secreten troost is medicyne.

 

Wat paradijs ist, oft wat vreughden

 

By zijn schoon boel secreet te zyne?

 

Dus claer robyne,

 

Des nyders pyne

 

Doet my helas in droefheyts scholen zijn:

 

Wat ic begheer schoon lief, dat moet ghestolen zijn.

 

 

 

Laes mijn begheeren moet ic swyghen,

 

Ueur tvolck mach ick dat niet verhalen:

 

Den tijt can ick niet ghecryghen,

 

Te zelden vind’ ic dy ter talen:

 

Dus moet ic dwalen,

 

Uan trooste falen

 

Tot dies my anders zal beuolen zijn:

 

Wat ick begheer schoon lief, dat moet ghestolen zijn.

 

 

[p. 36]

 

Princesse lief reyn Keyserinne,

 

Mijn schoon vriendinne, vry van smetten,

 

Jck draghe dy bedecte minne,

 

Mijn grief meughdy subijt beletten,

 

Ghy meught my zetten

 

Wt Uenus netten,

 

Deur v moet ick van haren folen zijn:

 

Wat ick begheer schoon lief, dat moet ghestolen zijn.