Diversche liedekens

Een ander. XV.

op den seluen voys.

SChoon Ulaender-landt edel Grauinne,
Uervroeyt v nu al buyten keere,
Ghy hebt verworuen paeys en minne,
Noyt mare vermaect dy dus seere:
Dijn lof end’ eere
Wast lanck soo breere,
Uerblijdt v rasch metten verheughden:
Paeys is den oorspronck van alle vreughden.

Den Ulamingh mach nu zeer wel lusten,

Wat mocht hy meer aen Godt begheeren?
Met paeys zal elck op zijn bedd’ rusten,
Met paeyse zal hem elck gheneeren:
Paeys sal beweeren
Des vyandts deeren,
Paeys sal ons houwen vul van deughden:
Paeys is den oorspronck van alle vreughden.

Ueur niemandt duruen wy ons veynsen,

Niemandt en zal ons nu vercleenen:

[p. 37]

 

Paeys heeft beweerdt ons achter peynsen,

 

Paeys heeft ghebluscht ons druckick weenen,

 

Paeys sal verleenen

 

Meer dan wy meenen,

 

Paeys is tvoedtsel van alle ieughden:

 

Paeys is den oorspronck van alle vreughden.

 

 

 

Almachtich Prince Godt hier bouen,

 

Wy dancken v met goe bescheede,

 

Anders en meugh wy niemandt louen,

 

Ghy zijt Regent int sweerelts weede:

 

Dees Princen beede

 

Bewaerdt van leede,

 

Niet meer werden wy van d’ontweughden:

 

Paeys is den oorspronck van alle vreughden.