Diversche liedekens

Een ander. XIIJ.

HElas helas, ic mach wel duchten
En drouuich schreyen een zee vul tranen:
Elc treur met mi, elc help mi zuchten,
Wilt allen druck met my vermanen.
Mijn troost, mijn hope, en ooc mijn wanen
Uerliest zijn

[p. 32]

 

 

poghen,

 

Mijn oude vreuchden moet ic nu spanen,

 

Jc ben bedroghen.

 

Als ick mijn boel lest zach met oghen

 

Laes het wert leden zaen twee iaren:

 

Rijc God waer is den tijt ghevaren.

 

 

 

De vreughd der weerelt al met allen

 

Haddick als doen ter tijt besworen,

 

Maer nu macht my niet meer gheuallen,

 

Hoe heb ick v dus saen verloren?

 

Jn therte waerdy vercoren

 

Als man met wyue,

 

Een ionck baroenken wort v gheboren

 

Uan mynen lyue,

 

Dies ick altijt dijn eyghen blyue,

[p. 33]

 

Als wilt ons fortuyne nu ontsparen,

 

Rijck God waer is nu den tijt ghevaren?

 

 

 

Cupido fel onghier verwaten

 

Jck vloucke v van deser ruyse,

 

Mijns vaders woenste moest ic laten,

 

Daer naer quam ick noyt binnen huyse,

 

Tractaet van paeyse staet int confuyse

 

Zichtent dien tyden:

 

Al stille zwijgh’ ick ghelijck den muyse

 

Jck moett ghelyden:

 

Maer als ick peyse om d’oud verblyden,

 

Uind’ick my helas bycans in varen:

 

Rijck God waer is den tijt ghevaren?

 

 

 

Prince, in mijn herte vast gheseten,

 

Wien ick sal eeuwich ionste draghen,

 

Hoe meughdy my dus zaen vergheten?

 

O in v liet ick vrienden en maghen:

 

Als wy d’een d’ander voor ooghen zaghen

 

Onder ons beeden,

 

Tscheen dat wy nemmer te gheenen daghen

 

En zouden scheeden:

 

Neit min Godt wil v wel gheleeden,

 

Jck ducht wy niet meer zullen vergaren:

 

Rijck God waer is den tijt ghevaren?