Diversche liedekens
(1574)–Matthijs de Castelein–
Auteursrechtvrij
[pagina 10]
| |
 SChoon lief, hoe valdy my dus obstinaet?
Daer ick dy minne met herten vry,
My zeluen en weet ick nu gheenen raet,
Dijn zinnen zijn elders dan tot my,
Dies derf ic, laes, der vreuchden cry
Als ghy op eenen anderen ziet:
Want als minnic v, ghy en mint my nyet.
Dicwils ben ic inden gheest wech ghevoerd,
Mijns sellefs werdick dus zeer ontcond:
Al mijn vijf zinnen maeckt ghy dan beroerd,
Uul fantasien tot alder stond,
Schoon lief dit doet dijn rooden mond,
Jck claeghs Cupido die my dit riet:
Want als minnic v, ghy en mint my niet.
| |
[pagina 11]
| |
De schoon vrau Uenus die dy heeft ghemaect,
Ende v dijn edel wesen gaf,
Hoe lietse dy dus troosteloos geraect?
Naer dijn zuuer ieucht ghy valt te straf:
Dus lief gheeft troost, curt commes af:
Maer laes ghy en zult wat mijns gheschiet:
Want als minnic v, ghy en mint my niet.
Hier met adieu mijn schoon Princesse jent,
Waren dijn oochskins verlicht soo claer,
Dat ghy in dijn hert’saecht al mijn torment,
Mijn pijn waer minder weet ick voor waer,
Ducht en gheen hope volcht my naer.
Dies zinghe ick eylaes dit druckich liet:
Want als minnic v, ghy en mint my niet.
|
|