Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

Ougstmaendt.

⁺ Den XII^en, wesende sondach, was tHandwerpen processie generael, omme den Heere te verbidden jeghens de haesteghe siecte vande peste, die aldaer zeer de overhandt es nemende in

+ Vande peste.

[p. 349]

menich huus, oock van riecke ende machteghe lieden, als ten huuse vanden marckgrave, ende in meer andere. De wethouders vander stede hebben uutter stadt ghedaen segghen allerande prumen, peeren ende appelen. Ooc insghelijcs hebben andere circunvoisine landen ende sommeghe steden haerlieder insetenen verboden dierghelijcke freyt inne te bringhene uut Antwerpen. De voorgaende siecte es ooc in eeneghe dorpen, daerontrent gheleghen, ende namelic up tVeer, daer men overvaert, in drije zo vier huusen.

Den XVII^en was inden Raedt van Vlaenderen uutgheleyt eene⁺ ordonnantie, concernerende den X^en ende XX^en penninc, te ghevene ten behouve vande Co. Majesteyt, vande coopmanschepe.

Den XXI^en heeft men in thuus van joncheere Jaques Bets de⁺ brulocht ghehouden van zijn dochtere met Montoye, de zone vanden eersten capiteyn vanden nieuwen casteele.

Den XXII^en heeft men bijder stede uutghelesen tmandament⁺ van te moeten gheven den X^en penninc van allerande coopmanschepen, gheleghen in mueble goedt, als van zijde, lakenen, wulle, lijne, botere, caes ende alle andere waere; ende vande vercoopinghe van immueble goet, als van gronden, van erfven ende huusen, zal men moeten betalen den XX^en penninc, welcke ordonnantie sal innegaen dese maendt.

Den XXV^en heeft men bij die vanden Raede in Vlaenderen⁺ uutghelesen eene ordonnantie concernerende de inquisitie ende punitie vande ketters.

Den XXVI^en, ontrent den VIII ofte IX hueren, ende daer⁺ naer, heeft men inde locht ghesien viereghe teeckenen met langhe strepen, commende deen jeghens dandere. Ende upden zelven tijdt, tsavents, eenen persoon rijdende met zijne waghen ende peerden, es in zijn hooft zeer ghequest gheweest, zo dat men beducht dat hijt besterfven zal; ende dit ghebuerde boven Merlebeke, ontrent den Gheersbersschen wech, van tvier ofte quaet, uuter lucht commende.

Den XXX^en eenen verouderden man es ghehanghen gheweest⁺ buten de Mude poorte, ter causen dat hij een beeldebreker es gheweest ende anderssijns (heeft) mesdaen.

+ X^en ende XX^en penninc.

+ Brulocht.

+ X^en ende XX^en penninc.

+ Ordonnantie jeghens de ketters.

+ Viereghe teeckenen.

+ Justitie.

[p. 350]

⁺ Den XXXI^en heeft men wederomme vernieut in dAuburgssche tbevel van te moeten betalen den X^en penninc van allerande waere, ende den XX^en penninc ten respecte als boven. Als binnen Rijsele dit mandament uutghelesen wierdt, zo hebben sommeghe insetenen huerlieder halmen in een kiste gheleyt ende begraven, te kennen ghevende, dat de schamel ambachts ghesellen nu voortan sullen te nienten gaen, ende vele cooplieden hebben huerlieder wijnckels ende contooren toeghesloten ende huerlieder coopmanschepe ghestaect. Ende boven de voornomde X^e ende XX^e penninc, moet men noch up dit jaer LXXI betalen anden Conijnc den XL^en penninc vande renten ende jaerlixen pacht, omme daer mede te furnieren VI^e duusent guldens ende bet, zijne Majesteyt gheconsenteert over een jaer, up hope dat daer mede cesseren zoude den heesch vanden X^en ende XX^en penninck; ende het schinct, dat den Hertoghe van Alve daer mede nyet en wilt te vrede zijn mette VI^e duusent, maer wilt noch hebben den X^en ende XX^en penninck, dwelc zoude causeren de totale destructie ende bederfvenesse van dese Nederlanden, de welcke duer de coopmanschepen prospereren, ende de zelve faillierende, moeten ooc te nienten gaen, ghelijc alle verstandeghe mannen kennelic mach wesen, zo dat men ducht voor eenen benauden ende periculosen tijdt dit toecommende saysoen, ghelijc ons ooc de predicanten te kennen gheven, want de Heere zijn handt van justitie upgheheven heeft met dieren tijdt ende pestilentie binnen deser stede, wesende ontrent in XXX huusen, daghelicx groyende, ende vele meer in Antwerpen ende circunvoysine prochien, te Valenchiene ende elders.

+ X^en ende XX^en penninc.