Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

November.

Den X^en was den laetsten dach, dat sommeghe schoolmeesters⁺ verboden es gheweest niet langhere te moghen schole houden, ter causen dat de zelve meesters ghefrequenteert hadden inden troublen tijd de nieuwe ghereprobeerde predicatien, ofte ooc anderssins suspect waren van quade leeringhen, ende dit bijde autoriteyt vanden bisschop ende vande wethouders deser stede van Ghendt. Onder welcke schoolmeesters es gheweest M^r Jan, inde Onderstraete, ende meer andere, namelick de ghone, die de voornomde predicatien ghehantiert hadden ende bovendien

+ Schoolmeesters gheinterdiceert schole te houden, als M^r Jan Tay.

[p. 238]

huerlieder kinderen daer laten doopen, ofte andere notabele werck vande nieuwe religie ghedaen, hoe wel naderhandt de zake wierdt ghemodereert van alle andere schoolmeesters, uutghesteken de voornomde M^r Jan, die alleene ghedestituweert wierdt uut diverssche oorsaken, als omme dieswille dat zijn huusvrauwe hier voortijts ghevanghen hadde gheweest onder den deken van Ronse, doende zeker beteringhe, ende ten tijde vande predicatien wederomme van nieus ghefrequenteert heeft de predicatien ende ooc haren man, doende aldaer huerlieder kinderen kersten ende ooc begraven.

⁺ Den XIII^en waren in sint Jans kercke ghedoopt twee overjareghe kinderen vande wederdoopers, die uuter stede gheloopen zijn uut vreese vande justitie.

⁺ Den XV^en zijn binnen deser stede drie mans persoonen inneghedaeght bij eenen huissier van boven, die hier voortijts hebben ghedachvaert gheweest voor den Hertoghe van Alve, omme te deposeren jeghens Boessins, capiteyn, over twee maenden onthooft; ende (zij) en dorsten niet compareren.

⁺ Ten zelven daghe ende up andere voorgaende zijn ten schepenhuuse ontboden gheweest eeneghe ghegoede mannen, die gheordonneert es gheweest de prijsie te doene vanden gouden ende selvere, berustende onder de lieden, omme danof ghestelt te werdene den honderdsten pennijnc, ende rapport te doene ande commisen, volghende de ordonnancie vanden hove, waerinne de Hertoghe van Alve bevolen heeft onlancx met alle neersticheden den ondersaten te besoignieren. Insghelijcs ten platte lande upde dorpen werden daghelicx de memoriaelbriefkens ende huercedullen van jaerlixe pachten, ende vande landen buten de huere wesende, overghegheven, omme eenen yeghelicken te tauxeren den honderdsten penninc, naer advenant vanden penninck XXII, waeraf de pachters moeten betalen den VI^en penninck van vijfve, ende de vijfve de ghegoedde.

Den XXIIII^en ende up andere daghen, voorgaende ende naervolghende, heeft men binnen deser stede omme ghegaen bij mannen daertoe ghedeputeert vande wet weghen, omme de

+ Doop van kinderen.

+ Inneghedaechde.

+ Den honderdsten penninck.

[p. 239]

estimatie ende prijsie te doene vant goudt ende selvere, metgaders den coopschat, volghende de ordonnancie vanden honderdsten pennijnck, ende die gheen verclaers en deden van honderd guldens eens, en waren niet ghetauxeert, ende tot dese prijsie waren ghenomen andere mannen dan totte huusen, als inde Langhemunte ende circunvoysine plaetsen waeren daertoe ghestelt Philips de Grutere, f^s mer Ghijselbrecht, ende Nicasius van Deynse, f^s Mattheus; upde Tichelerie Rogier de Witte, f^s Hectors ende Berthelemeeus Franck, ende alzo voorts up andere wijcken ende straeten andere mannen.