Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

October.

Den eersten heeft men uuten nieuwen casteele, smorghens,⁺ afgheschoten drie zo vier groote engienen ter eeren van sinte Baven, die over IX^c jaeren renuncierende alle zijn goedt ende tselve ghevende der kercke, heeft hem aldaer begheven tot penitentie, zo de hijstorie seght, ten tijde van sint Amandt, ende den eersten abt vanden cloostere (was) ghenaempt Flobertus.

Den III^en heeft de zouverayn Rijm ter doot ghebrocht II persoonen,⁺ eenen beeldebreker ende een vraupersoon, doops ghesint. Den zone vanden beeldebreker was onlancx als een straetschender verberrent.

Den IIII^en quamen naer tnieu casteel sommeghe Spaignaerden,⁺ die upden landtsman langhen tijdt gheteert hadden sonder betalen, in tlandt van Aelst, als tot Hoorteghem, Wettere, Melle,

+ Sinte Baven.

+ Justitie.

+ Ancompste van Spaignaerden.

[p. 236]

Gonterode ende elders. Ende dese ancommende, zijn andere uuten nieuwen casteele vertrocken. Tselve es ooc onlancx ghebuert binnen den voornomden casteele van een ander regement van Spaignaerden, die ooc hier ghearriveert zijn, ende andere daer uute vertrocken ende elders ghedestineert.

⁺ Den VI^en waren binnen dese stede ghearriveert ende ghelogiert inden Gulden Appele, sommeghe Italianen ende Spaignaerden, die van sHertoghens van Alvens weghen ghesonden waren naer Ynghelant, een van hemlieden wesende principael ambassadeur.

⁺ Den XII^en heeft men met een trompet upde ghecostumeerde plaetsen ghepublieert, dat men in de toecommende weke beghinnen zal de prisie te houden vande weerde vanden honderdsten penninck, ende dat eenen yeghelicke overgheven zal moeten de bewijsen van zijne goedinghen, mueble ende immueble, volghende de ordonnancie danof ghemaect, ende te Bruessele gheprent inde Vlaemsche ende Walssche talen, omme welcke schattijnghe alle meynsschen in desen benauden tijdt zeer beroert zijn gheweest, rijcke als aerme. Ende upde voorleden daghen waren diverssche mannen voor scepenen vander Kuere ontboden ende hemlieden belast de prisie te doene vande huusen, ghestaen buten huerlieder ghebuerte, want updat sij gheen ondanck hebben en zouden van huerlieder medeghebueren, zo hebben scepenen gheordonneert mannen van andere ghebuerten ende ghewesten, daer zij niet en resideren, ter causen voorscreven.

⁺ Den XV^en was den Staten van dese Nederlanden gheconfiquiert omme te Bruessele te compareren ter causen van een nieu begheerte boven den honderdsten penninc, hem gheconsenteert.

⁺ Den XIX^en heeft men begonst in sommeghe wijcken deser stede te oversiene de huusen, omme inninghe te doene vanden honderdsten pennijnc, naer advenant dat de huusen jaerlicx ghelden in huere, danof de huerdere tghelt verlegghen zal ende aftrecken den proprietaris.

⁺ Den XXI^en heeft men inden Raedt van Vlaenderen ghelesen

+ Ambassadeur.

+ Den honderdsten pennijnck.

+ Dachvaert.

+ Den honderdsten pennijnck.

+ Blijde tijdinghe.

[p. 237]

eenen brief van Ferdinande, hertoghe van Alve, generael capiteyn van dese Nederlanden, inhoudende eene blijde tijdinghe vanden christelicken conijnc van Vranckerijcke, die onlancx jeghens zijne vianden, Hughenoisen, vercreghen heeft een groote victorie, daeromme dat de insetenen van dese landen werden vermaent tot lofsanghe, bedinghe ende bedanckinghe met messen te anhooren, ende naer costume.

Den XXIX^en waren de huusen inde Langhemunte gheteeckent,⁺ ter causen vanden honderdsten penninc, daertoe ghedeputeert waren Jaques Feroen ende Adriaen de Schietere, met eenen derden persoon, die de namen vande besitters ende huusen ghescreven heeft, metgaders wat zij in huere ghelden, danof men den honderdsten penninck zal moeten betalen.

Den XXX^en heeft men inde prochiekercken te kennen ghegheven⁺ tbevel vanden E. bisscop ende vande heeren vande stede, die gheordonneert hebben up desen soendach thelich sacrament vanden autare omme ghedreghen te werdene inde prochien, omme den Heere te loven ende te dancken vande groote victorie, die Hij den christelicken conijnck van Vranckerijcke verleent heeft jeghens zijne ghesleghen vianden, ghenaempt Hughenoosen, danof boucxkins gheprent zijn.

+ Den honderdsten penninc.

+ Processie.