Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

September.

⁺ Den XIIII^en heeft Jan vande Poelle, als ontfangere vande confiscatie int quartier van Ghent, verhuert upde sale vanden Audenburch diverssche huusen, toebehoort hebbende den fugitiven Guen. Ende ten zelven daghe, sachternoens, waren bijder⁺ stede, up de plaetse patibulaire, verberrent twee moordenaers ofte straetschenders, danof deen was ghenaempt Rotaert, een Hollander.

⁺ Den XVI^en was eenen man, wederdoopers ghesint, ghetortureert, sachternoens, bijder stede.

⁺ Den XIX^en es deser weerlt overleden Joos van Saffele, prin-

+ Verhueringhe.

+ Justitie.

+ Torture.

+ Joos van Saffele.

[p. 235]

cipael taelman bijder Kuere, buten up zijn goedt ter Muelenstede. Hij hadde tpensioen vander stede.

Den XXIII^en es ghepublieert inden Raedt van Vlaenderen⁺ ende inde stede, den hondersten penninc te ghevene van alle de goedinghe, ten proffijte vande majesteyt. Tselve es ooc gheboden in andere provincien, als Brabant, hoe wel de landen tselve langhe gerefuseert hebben ende zonderlinghe die van Brabant ende Artoys.

Den XXIIII^en heeft men justitie ghedaen bij die vanden Raede⁺ in Vlaenderen, te wetene bijde commissarissen M^rs Fransoys Curtewijle ende Burch, van eenen brauwer, wonende wijlent tot Deynse, die zeker brieven gheschreven hadde, inhoudende quaede nieumaren vande Guen.

Den XXVI^en, de voornomde wederdooper es ter justitie vanden viere ghebrocht bij mijn heeren vander stede van Ghendt, die gheenssins en heeft willen zijn complicen denomeren, daertoe vermaent zijnde.

+ Den honderdsten pennijnc.

+ Justitie.