Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

[p. 232]

Ougstmaendt.

⁺ Den I^en en heeft gheen helich dach gheweest, volghende de nieuwe ordonnantie vanden voornomden bisscop, die, zoo voorscreven es, vele heleghe daghen afgheset heeft, als sint Denijs, Barbara, Nicasius, Thomas van Cantelberghe, Veerle, Vincent, Bertolf, Amandt, Pieters stoel, Jooris, Loy, Amelberghe ende sinte Pieters banden commende up desen dach.

⁺ Den II^en zijn de voornomde persoonen, wederdoopers, deen wesende van Everghem, ende dandere van Meerentre, prochien gheleghen ontrent dese stede, bij scepenen vander Kuere ter doot verwesen vanden viere, ende al huerlieder goedt, waer dat ghestaen ofte gheleghen es, gheconfisquiert sConijncs proffijte, welcke rigoreuse sententie was smorghens, naer den XI hueren, ter executie gheleyt upde Vriendachmaert, de voornomde pacienten gheleedt wesende bijden onderbailliu ende andere officiers in een cleen huusekin, neffens der eerde ghestelt, inde presentie van scepenen voornomd, alvooren ghehoelt wesende, ende daer naer verberrent. De Heere wille sodaneghe ghesinde tot een beter gheloove vande catholijcke kercke bekeeren ende alle andere. Daer zijn noch binnen den Chaucelette ghevanghen vremde persoonen, ooc van hier ontrent gheboren, besmet mette selve siecte ende smerte van wederdooperie, volgende zeker leeringhe angaende tgheloove contrarie vande heleghe christelicke leeringhe vande kercke.

⁺ Den V^en heeft men bijden Raedt van Vlaenderen vernieut tmandament van niet te moghen handelen metten Ynghelschen in eenegherwijs, ende ooc bij een andere mandement verboden de voorcoop inde vijctuaelghen. Ende bijder stede zijn verboden de prumen, omme te schuwen tdangiere vande peste, de welcke in sommeghe steden beghint haren cours te nemen, als te Denremonde, danof de Heere ons beschermen wille in desen benauden tijt.

+ Sint Pieter.

+ Justitie.

+ De Ynghelsche lakenen verboden, ende belast die over te bringhene and wethouders naer de mandamenten dies mencionerende.

[p. 233]

Den VII^en heeft men inde prochiekercken begonst voor de⁺ hoochmesse tghebenedijde ende hoochwerdich sacrament vanden aultare processiewijs omme te draghene, omme den Heere te verbidden voor een goet bequaem weder, want ontrent drije weken tijdts heeft een regenachtich weder gheweest met groote sturme van wijnde, zo dat den lantsman qualick can zijn vruchten drooghe inne doen, ten achterdeele van ons allen, ten sij dat de Heere voorsie duer zijn goede ende mijlde gratie totte meynschen, dies onwerdich.

Den VIII^en es binnen deser stede inneghebrocht van Bruessele,⁺ M^r Arendt Boessins, ende inde vanghenesse deser stede gherecommandeert; hij was wijlent een barbier, naderhandt capiteyn vande beeldebrekers, en ooc een vande vier capiteynen, naer de beeldesturmijnghe gheordonneert.

Ten zelven daghe overleed M^r Chaerles Clayssone, f^s M^r Nicasius,⁺ lieutenant civil deser stede, binnen Moortseele, prochie ontrent der stede ligghende; ende omme zijnen staet van lieutenant te vercrijghene zijn diverssche persoonen ghereyst naer Bruessele, anden Hertoghe van Alve.

Den XI^en was ter doot verwesen de voornomde Boessins,⁺ nieuwelinghe ghehuwt met een dochtere Wijliers, wijlent advocaet inden Raedt van Vlaenderen. De voornomde Boessins bedeech capiteyn, zo voorscreven es, ende naderhandt bailliu van Deynse, stede van zijnder geboorte, daer hij ghevanghen heeft Mijnheere van Wulverghem ende thove ghelevert, de oorsake van zijnder doot. Hij heeft oock sommeghe andere Guens van Deynse thove van Vlaenderen ghelevert, daer die ghejusticiert zijn gheweest. God wille alle meynschen ghenadich zijn.

Den XII^en heeft men tsachternoens, ten huuse vanden bisscop,⁺ ghehouden een disputatie in materie vanden vrijen wille ende gratie des Heeren, ende oft de juge, ghevende vonnesse, behoort te volghene zijn eyghen conscientie, ofte tghuene dat voor hem gheprobeert werd, ende meer andere articlen, daer overe dat presideerde de voornomde bisscop. Aldaer de reli-

+ Onweder.

+ Boessins.

+ Clayssone.

+ Boessins onthooft.

+ Disputatie.

[p. 234]

gieusen vande vier orden vergadert zijn gheweest ende andere gheleerde. Dese arguatie duerde vanden IIII^en totten VI^en.

⁺ Den XIIII^en, wesende sondach, heeft men inde sermoenen ghedaen bidden voor een beseten vrauwe in de Burchstraete, dewelcke was aerme, en behoufde de hulpe van goede lieden omme naer Ronse te voeren.

⁺ Den XVII^en heeft smorghens groote donderslaghen ghesleghen ende schaede ghedaen anden turre vanden Tempelhuuse, bijden Augustinen; ende ooc inde kercke te Wondelghem, ende elders.

⁺ Den XIX^en heeft men diverssche voorgheboden uutgheleyt bijder stede, touchierende de mueleners, backers ende andere, hemlieden gheneerende int graen, boonen ende erweten.

⁺ Den XXVII^en, sachternoens, es dezer weerlt overleden M^r Martin Snouckaert, heere van Somerghem, wijlent advocaedt inden Raedt van Vlaenderen ende naderhandt greffier binnen Brugghe, die onlancx van daer es commen wonen binnen deser stede.

⁺ Den XXIX^en en was gheen feestelicken dach van sint Jans onthoofdinghe, volghende de nieuwe ordonnantie vanden bisscop deser stede van Ghendt.

+ Een beseten.

+ Donderslaghen.

+ Voorgheboden.

+ M^r Martin Snouckaert.

+ Sint Jans onthoofdinghe.