Dagboek van Cornelis en Philip van Campene, behelzende het verhaal der merkwaardigste gebeurtenissen, voorgevallen te Gent sedert het begin der godsdienstberoerten tot den 5en april 1571

Maerte.

⁺ Den III^en heeft men tsint Jans huutvaert ghehouden van Maerck van Vaernewijck, scepen van Ghedeele, die over sommeghe daghen deser weerlt overleden es, wesende een joncman van XXXVI jaren, die ooc sommeghe boucken in Vlaemsche rhetorijcque zeer fray uutghestelt heeft zonder gheleerthede vande Latijnssche sprake.

⁺ Den VIII^en was de voornomde joncman (daer vooren afghescreven) bijden viere upden Vriendachmaert ghejusticiert. De bisscop ende andere gheleerde hebben huerlieder uuterste debvoir ghedaen omme hem te bekeeren totter salighe leeringhe, maer het es gheweest te vergheefs, overmidts zijn verherthede inde opinien, die hij van joncs inneghedroncken heeft, want van dat hij vier jaeren oudt was, hebben hem zijn oudders van Groeninghe, stede van zijnder gheboorte, beschiet naer Embden, ende van daer heeft hij ghestudeert tot Leuvene ende Geneve.

⁺ Den XVI^en heeft men begonst ondersouck te doene inde huusen vande bouckvercoopers, omme te weten offer eenighe verboden boucken zijn. Ten welcken fijne heeft men de zelve gheinventarieert, ende up dat men gheene versteken en soude, zo zijn inde voornomde huusen ghebleven eenighe officiers ter

+ Marck van Vaernewijck.

+ Justitie.

+ Vande bouckvercoopers.

[p. 213]

bewaernesse. Insghelijcs heeft men ghedaen in andere steden, ende namelick tot Antwerpen.

Den XVII^en es M^r Wauter vander Gracht, canunck van⁺ sinte Baefs ende heere van Zonnebeke, smorghens doot bevonden in zijn slaepcamere, ontrent den eerdt, daerinne hij ghevallen was, ende in partien miserabelicken verberrent; hij hadde voor een costume, dat hij hem zelven sloot in zijn camere zonder yemandt bij hem te nemene. De Heere wille hem ghenadich wesen.

Den XIX^en zijn de Staten van dese Nederlanden vergadert⁺ binnen Brussele voor den Hertoghe van Alve, marquys de Coria, omme te anhooren de propositie, die men hemlieden voor ooghen legghen zal van shertoghens weghen.

Den XX^en hebben de jonghe scholieren van M^r Pieter van⁺ Dickele, schoolmeestere bij de Santberch, ghespeelt int latijne de hystorie van Jephte, bescreven int XI^e capitele der rechteren, hoe hij wesende een vroom ende strijdbaar man, de zoone van eene ghemeene vrauwe, wierdt ghecoren een capiteyn jeghens de vianden van Israel, die hij door Gods hulpe verwonnen heeft, ende victorie vercreghen hebbende, beloofde Gode een offerande van 't ghuene dat hem eerst ghemoeten zoude, thuus commende. Ende zijn eenighe dochter verstaan hebbende de gloriose victorie van haren vader, es hem te ghemoete ghegaen, hem willecomme heetende, daeromme dat de vader zeer bedrouft was, omme zijne belofte, Gode ghedaen, de welcke hij vuldaen heeft, doodende zijn eyghen dochtere, jeghens de natuerlicke wet, bevelende dat de oudders haer eyghen kinderen zullen lief hebben ende onderhouden, zonder hemlieden an huerlieder lichamen te mesdoene.

Den XXIII^en heeft Jan vande Poele, ontfanghere vande⁺ extraordinairen ende vande confiscatie vande goedinghe vande ghonen, die innegedaecht zijn gheweest, ghebannen ende executeert, ter causen vande overjareghe beroerlicke predicatie, verhuert sommeghe huusen, hemlieden toebehoort hebbende, als namelick Fransoys Huereblock, Jacop Weytens ende Frederick

+ Heere van Zonnebeke.

+ Vergaderinghe.

+ Jephte.

+ Verhueringhe.

[p. 214]

de Buc, goudsmet, met meer andere, ghelijc ooc tselve ghebuert es up voorleden daghen van huusen. Ende oec ghelijcke brieven zijn an sGraven casteel gheaffigiert gheweest van vercoopinghe te doene van gronden van erfven, danof proprietarissen waren de voornomde Guen, als M^r Jan Pils, Jan de Vos, in de Audenburch, en andere. Alzo es al omme grooten druck, ooc tusschen de catholijcke, die anmercken de benautheden van huerlieder naerste vrienden ende maghen, die ghebannen zijn ofte ter dood over ghegheven ende de weduwen ende kinderen goedeloos ghemaect. Boven dien pretendeert de Hertoghe van Alve te commen deelen tgoedt, dat den ghebannen, noch levende, soude competeren, indien zij nyet mesdaen en hadden, als van M^r Pieter de Rijcke, wiens vader onlancx overleden es, ende M^r Jan van Campene, wiens moeder over twee maenden overleden es, willende de naerste bestaende vrienden uutsluten, hoe wel den Raedt van Vlaenderen heeft hier up huer advijs anden voornomden hertoghe overghesonden.

⁺ Den XXIIII^en zijn sommeghe malefactuers bijden souverain vanden Gendsche quartiere buten der stede ghejusticiert.

+ Justitie.