De CL. Davids psalmen

Den lxx. Psalm.

(Een Psalm) Davids, voor den Opper-Zangh-Meester, om te doen ghedencken.

§1

HAest, Godt, om my te verlossen:
(Haest) o Heere, tot mijner hulpe.
Laet-ze beschaemt, end' schaem-roodt worden,
Die daer mijne ziele zoecken.
Laet-z' achter wijcken, end' zijn tot schand,

[fol I7v, p. 142]

 

Die daer aen mijn quaedt lust hebben.

 

Laet-ze tot loon haers beschamingh,⁺

 

Te ruggh' keeren, die zegghen, Ha, Ha!

+ 2.

§2

Laet in u vrolick zijn, end' blijd',
Alle de ghene die u zoecken:
Laet de lief hebberen uwes heyls
Steeds zegghen, Godt zy groot ghemaeckt.
Doch ick ben ellendigh, ende arm.
O Godt, haestight u doch tot my:
Ghy zijt mijn hulpe, ende mijn
Bevrijder. Heere en vertoeft niet.