Mosalect. Bloemlezing uit de Limburgse dialectliteratuur

[p. 358]

Den berg op!
Venloos

De voorman trek en rök et paerd
Vergaefs aan zienen teugel;
Het deer, det weigert stom den deens,
Krieg van de voorman preugel.
Het paerd, nog köppiger as iers,
Blief staon, wao het steit,
Wie ouk de voorman raos en tiert,
En sakkert, vlook en sleit...
Ein vrouw, die um passeert, zaet: ‘bah,
Hald op met det verdòmme,
Dich zults met det gemein gevlook
Noët in den Hemel kòmme!’
De voorman antwaordt, wit van gif,
En wiezend op zien vrach:
‘'k Hoof in den Hemel neet te zien,
'k Waer op den Berg verwach!’

Karel Haanen

[p. 359]