Mosalect. Bloemlezing uit de Limburgse dialectliteratuur

[p. 342]

Aovend
Valkenburgs

Ich zoot aan de Drie Beeldsjes
Te raste-n-op de bank;
Te loestre nao et windsje
En nao de Geul häöre zank.

De tek en blaar ze weegde
Zich in de wind dae zong
En winkde adieë op 't zunke
Dat oes verlaote gong.

Ich zoog nog 'n inkel vinkske
Dat nao zie neske vloog
En evekes nog sjirpde
Wie et zien vrundsjes zoog.

Wie miea de zon voertzakde,
Wie sjtiller dat et woord,
Bis ich op 't lets allein nog
De Geul häör zinge hoort.

P. Visschers