Mosalect. Bloemlezing uit de Limburgse dialectliteratuur

[p. 321]

Zomer
Sittards

Sjtop mit klage, Jeremias,
Loup den auwe tied neit nao,
't Mous neit mage, Jeremias,
Mèr de zomer is noe dao.

Dae van vruiger, Jeremias,
Vief en dartig in de sjeem,
Doe wurs muiger, Jeremias,
Noew wurd hae dig onbekweem.

Vruiger jaore, Jeremias,
Vruiger jaore komme trök,
Gank in 't kaore, Jeremias,
Lèk dig sjtil op diene rök.

Kiek nao baove, Jeremias,
Zuug den hemel blauw en klaor,
En belaove, Jeremias,
Zèk os nooit mee wiej 't waor.

F. Appelmans