Mosalect. Bloemlezing uit de Limburgse dialectliteratuur

[p. 285]

Remunj
Roermonds

Ich zeen dich Remunj es ein deftige daam,
Zo'n apaarte, wo waerd op gelet,
Die deftig is door häöre sjtandj, häöre naam,
Häöre gank, häör postuur, häör twalet.

Ich haaj van dien kalmte, dien deftige rös
Mit zo noe en dan ein klein verzet.
Doe bliefs waasse waars, en bliefs waasse bös:
De plaats mit 't sjtummig kasjet.

Maar ich zeen dich nog lever es euver dich haer
'n Feesgedoons lik in ei vol zomerwaer.
Dan wilt ouch de deftige daam waal get sjans
En noojt* toet plezeer en 'ne Limburgsen dans,
En ich dreij mit häör rondj op te maot van meziek...
Dan Remunj, mien gooi sjtad, dan veul ich mich riek.

Tuur Oppegaam