Mosalect. Bloemlezing uit de Limburgse dialectliteratuur

[p. 174]

[p. 175]

Mêrretdaag
Maastrichts

Oonder rechte rèjje têntsjes
Loupe vröjkes, loupe vêntsjes;
Ze weite nog neet, wat ze koupe:
Ze drêntele, ze kîêke, loupe.

Ze graaje gölzeg în d'n houp:
Zeeker neet boove lik de koup!
Dee lik verbôrgen oonderîn;
Daomèt heet zeuke zoeväöl zîn.

Wat boove lik weurd weggesmeete
En 't ûnderste aon 't leech gereete;
't Is zjus nèèt, wat me dûud'lek zûut!
Thôes kûmp e tristeger beslûut.

't Gelök, veur 't grîepe, veur de hând,
Ze goeien 't achteloes aon kânt;
Ze graoven în d'n dûust're groond,
Of geine dao ze kuipke voond!

't Stadhôes kîek neer, hoeg, oonbewooge
De weereld în, dee wèlt bedrooge.
't Zûut de rechte rèjje têntsjes,
De êrrem vröjkes, êrrem vêntsjes!

Fons Tuinstra