Mosalect. Bloemlezing uit de Limburgse dialectliteratuur

[p. 165]

Regenach
Maastrichts

Stèl ligk iech en gelaote, hiel veilig, in de nach
En luuster nao de rege, dee hel en daan weer zach,
Mèt doezende vaan dröppels, mieljarde, oongetèld,
Gestiedig, zoonder inde, oet zwarten hiemel vèlt.

Iech huur de rege roesje, heer broesj de kaanjel oet,
Sleit róffels op de take, klets nijdig op mien roet;
't Regent, regent rege, 't regent orelaank,
De doonker buim die leke, de boel steit zeker blaank.

't Kèn zege zien of rampe, veur dörrep, stad en land,
Stèl ligk iech en gelaote, veer zien toch in Gaods hand,
God gaof us ins de rege, Heer sjoonk us ouch de zon,
Stèl ligk iech en gelaote, 't kaanjelt* in de ton.

G. van Dinter