Mosalect. Bloemlezing uit de Limburgse dialectliteratuur

[p. 71]

Klein Duumke
Heyens

Hoe Klein Duumke zienen wég vônd,
môeder hét et duk vertéld:
sténtjes op de grônd:
wîezers ien zien wêld.

Nao dit en veul verhaole
hét moed* ons ien bed gebeurd.
Ik kós t'r zuut van slaope.
Ik héb t'r dîep ien gegleufd.

Wörum düüj ik dit nog es zegge?
Ik dwaol nog zö duk ien én wâld.
Ik zie genne wég mér ligge.
Ik héb an niks mér hâld.

Dan zien et wer klêne dinge
worän ik de trugwég viend:
âlde herinneringe,
stêntjes van et kiend.

Theo Terpstra