Die Darfelder Liederhandschrift 1546-1565

[p. 187]

Nr. 102aant.

1553

I.
Och gott mych dot verlangen⁺
na eyner dye leycht geffangen
dem edellen heyren myn,
das ych om so mos myden
brenget myr eyn hemlych leyden,
dar to myn heyrtzen eyn zweren pyn.

II.
Her leycht yns keysers heynden,
och gott hey kondes wal wenden
und geyffven dem keysser dem mot,
dat es sych wyl bedyncken,
war heyr kornet dyssen geschenken
und geyffven dem fforsten wer syn goedt.

III.
Hedt eyr sych wes vorsprachgen,
das wyr genoch geffrachgen,
lanedt, lyyde synt om verderfft,
dem fforsten hyn wech geffuyret,
syn heyrtzen dar myt verstouyret,
dem Cor yst om genamen aff.

IV.
Ich haff es sal sych wenden,
das sport men an allen enden;
dem payys syn ffalssen rat,
dem keysser dar myt verheyztet,
Duyztlant dar myt verleyztet,
das klage ych dych her gott ffrou und spaed.

V.
Hyr myt wyl ych es beschleyßen.
ych haff, ych salleß genysen,
myn roffen ys to¹ gott,
und helff uns crystuys allen,
na dynem gottelyche geffallen,
so² heylff uns heyt uyt dysser not.

- Myn haffven zo gott -

C		B
	V

+ Bl. 109 v^o

1 t aus h verbessert.

2 Hs.: danach verschriebenes heyff gestrichen.