Die Darfelder Liederhandschrift 1546-1565

[p. 97]

Nr. 38aant.

Eyn Ander

I.
Liefflich hait sich versellet
myn hertz in kurtzer frist
na eynre die mich gefellet,
Got weiß woll wer sy is.
sy gelievet mich gans ynentlich,
die ausser welt unnd reyn,
Got weis wol wer sy is.

II.
Ich gelichse eynnem engel,
die ausserwelt unnd reyn:
Hair hairlin kruiß gell gestrenget,
ir mundelin roet robyn,
ir wendelyn roet, schoen rose farwe roet,
zwey bruyn ogelyn klair,
die dragt sy uppenbair.

III.
All umb des megedelin guede
hain ich sy mich außerwelt;
sy erfreudt mich myn gemoide;
mynen dienst han ich oir gesworen,
oir stediger diener woll ich syen
unnd blyven oir underdain
so lang ich es leven han.