Die Darfelder Liederhandschrift 1546-1565

Nr. 10aant.

I.
Fins leff moichte ich bi dir sin,
nicht mer wolde ich begeren,
das brengeth frowde in dem hertzen min.
wilth mir das nicht geweren
heimlich unde stille?
Isth gantz min wille;
das wolsthu mir tzo sagen.

II.
Fins leff, wi mach das sin
so gaer in dinen hertzen,
das du mich zo gaer ferlazen haesth?
laz aff van sollichen schertzen¹,
manch nacht und stundt²
du haesth forwunth
min hertz mith Venis pil dorchschathen.

III.
Fins leb nu holth dich rechth,
laeth du den hunth nicht hincken,
schlüs uff das hertze³ din,
laes mich daruth nicht sincken;
halth vasth an mir,
als ich an dir,
so wereth unser beide leibe ewich duren.

E		A
	K

Wer weith wi lange
Der lebesthe wille gesche in alle.

Thrw und enich ist min sin,
das brengeth mich folle gemackes in.

1 Hs.: swetzen.

2 Hs.: nacht stundt.

3 Hs.: hertz.