Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [19] wiedewijs dat si menechiaer hadde uoerseght van haren cleynsten vinghere. EEen geestelec man was di oec dat voer har doed menech iaer bat 685[regelnummer] vele conuersen ende veel nonnen dat sijs hem wouden lieflec onnen dat hi hadde yet van haren leden ende bat hen dat si har, har hant af sneden ende dat sijs hem hielden, op dat hi nyet 690[regelnummer] ende mochte sijn daer si versciet.. Dabdisse si dede na sijn begheren ende en woud hem des orlofs nyet weren maer was hem houd in siere beden.. Wetti nv wat de nonnen deden [Folio 96v] [fol. 96v] 695[regelnummer] di nyet en consten helen wale si seiden sinte lutgarden temale wat hi hen bat, ende daer na quam hi te hauwiers , ende al si vernam dat hi daer was comen, so sprac sine 700[regelnummer] ane met enen ernsteghen anscine.. O sone ic heb uernomen sprac si dat ghi na mijn doed wilt mi mijn hant af snyden, ende wondert mi sere wat gi daer met wilt doen lieue here. 705[regelnummer] Doen scaemde hi hem de guoede man maer hi andwerdde har nochtan ende seide dat es seker mijn waen dat se mi in staden soud staen beide aen ziele ende aen lijf 710[regelnummer] Doen lachte si dat heilege wijf ende leide haern enen vinger neder ende staphans sprac si toet hem weder. Et mach v wel ghenvoeghen dat gi desen vingher moeght hebben van mi 715[regelnummer] moegh dine na mijn doed vercrigen. Daer met soen woud hi noch niet suigen maer sprac har toe met toeuerlaten [Folio 97r] [fol. 97r] ic ben de gene die mi nyen late ghenvegen moeder van vr doed 720[regelnummer] en si dat sake dat ic v hoed ocht v hant vercrighen conne dat mi god te troeste dies onne.. Doen dit te male was geseght ende gheandwerd ende geureght 725[regelnummer] so lieten si dit varen ende ginghen spreken stappans van andren dinghen.. Daer na doen de urouwen name doet was ende men haren lichame jn de kerke had gedraghen 730[regelnummer] ende dat twe converse saghen so wachten si beide stonde ende stade ende sneden har af bi gods genade den seluen vinger daer si af dien guoeden man een teken gaf 735[regelnummer] so dat daer na die selue man dien seluen vingher uan hen gewan ende liet hem genveghen daer met wale Daer aen so sceen gewarech de tale di lutgard had geseght te voren 740[regelnummer] Alsus so had se god vercoren [Folio 97v] [fol. 97v] then euweghen leuenne daer bouen daer si sal euwelec gode louen... Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd