Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[17] hoe dat si voer har doet har ogen ontploken hadde ende sise na nyet toe en loec Alsi was doed die gods vriendinne so waren daer sulke nonnen inne die met so groter suetechheide 640[regelnummer] ende met so groter bliscap beide waren vervult ende beuaen dat si wat en wisten aengaen ende dat si hen seluen en consten nyet van wonder begripen, ay nv syet 645[regelnummer] wat wonder waest daercristus quam daer hi de ziele met hem nam met meneghen sante van hemelrike dat daer was bliscap sonder gelike.. Et es der doder liede nature 650[regelnummer] dat si bleec werden op di vre
[Folio 95v]
dat si selen steruen ende oec swert van bleecheiden als een roec maer si blicte de maget fijn doen si starf in haer anscijn 655[regelnummer] als een lylie, als ic las jn enen tekene dat si was ene onnosele reyne maght dat es dat gode wel behaght. voerwert meer, die ogen di si 660[regelnummer] lange had toe de maget vri die deed si oppe also saen alst te hare doet wert soud gaen ende die en mochse in haer doet nyet weder toe hebben om enege noet 665[regelnummer] noch oec na har doed daer mede daer god groet miracle dede .. Haer vel van haren lichame en mocht niet saechter sijn, so dat hen dochte dise tasten doen ter tijt 670[regelnummer] datd sacht was rechts alse samijt ende blickende daer toe verwendelike dies si geloeft god euwelike .. Doen men den lichame wiesch was daer
[Folio 96r]
een suster een nonne die menech iaer 675[regelnummer] had verloren al de macht van hare hant, so dat si noch cracht noch gewoyt had in har hant maer doen si den lichame gereen, tehant dien men daer dwoech rechs op di stont 680[regelnummer] so wart har hant te male gesont so dat si al har dinc daer mede volcomeleke ende wel oec dede..

Vorige Volgende