Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[5] Hoe dat een cardinael die iacob hied te rome was doed die haer barde opten vierden dach daer na dat hi starf
[Folio 83r]
105[regelnummer] Dies selues tijts ochte daer bi des auonts philippi et iacobi geuielt so dat te rome verscied een cardinael die iacob hied dar ic hier bouen af dede gewach 110[regelnummer] ende daer na opten vierden dach sach si daer si was in brabant dat sijn ziele alte hant opt selue vre blidelike wart gevuert in hemelrike 115[regelnummer] dat sach si dar si wart gestelike verhauen selue toet hemelrike al sijn sach seid si o vader groet ic en wist nyet dat gi waerd doed wanneer starf di dat seght nv mi. 120[regelnummer] Ets heden de vierde dach sprac hi drie nachte ende twe daghe saen so heb ic in dat veghuier gestaen doen sprac lutgard ter seluer stont waer om en makedi mi nyet cont 125[regelnummer] op di vre doen ghi waert doed vader dat ic v in der noet met minen sustren had bi gestaen
[Folio 83v]
doen andwerdde hi haer weder saen god sprac hi en woude nyet 130[regelnummer] dat gi van mire pinen yet word bedrueft maer als ic were verloest woud hi dat ic queme here dat gi dar af ontfaen soud troest ende bliscap dat ic weer verloest 135[regelnummer] gi selt mi volgen cortelinghe. als sus waren gescied dees dinghe so quam weder te har seluen lutgard ende seid dit te haren sustren teruaert met bliscap ende feesten sunderlinge 140[regelnummer] dit was de waerheit van den dinghe als doen veel gu^oeder liede wale getughden, nv hoert na ander tale

Vorige Volgende