Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[6] widewijs dat si vif iaer voer seide den dach al si steruen soude. Dies vifte iaers te uoren eer si van ertrijc scied de maget vri 145[regelnummer] opten derden sondach na sincsendach als ict versta so las men in de kerke dye scone heilege euwangelye
[Folio 84r]
homo quidam fecit cenam magnam 150[regelnummer] daer si inne van gode vernam ende daer haer god in dede gewach dat si soud steruen optyen dach als men die euwangelye soud lesen ende dad ommer waer soud wesen 155[regelnummer] dat si dan soud varen waerlike ter werscapen dies edels lams vrolike. Dit seid si sibillen ende maket har cont ende ver sibille si mercte tyer stont den sondach als dit soud gescien 160[regelnummer] want si begerde dat si mocht sien ocht dat waer soud sijn dat si propheteerde, ende daer bi alsten inde van den iare die selue sondach quam omme docht hare 165[regelnummer] datd bedruchhenesse ende fantoem was om dat men die euwangelie las homo quidam fecit cenam magnam ende op dyen dach nyet toe en quam die prophechie di si int iaer 170[regelnummer] te voren propheterde van haer Doen tenen tide vergad sibille
[Folio 84v]
dier prophechien ende swegh alstille. Daer na in den viften iare op ten seluen sondach lach hare 175[regelnummer] lichame opte bare doed nv hoerd hier wildi wonder groet men las doen opten seluen sondach tes conuents messe als men plach dees euwangelie want si behoerde 180[regelnummer] als ver sibille van gagis dat hoerde gedacht har stappans wat ouer vif iaer lutgart voerseide ende vant al waer dat si hadde ghepropheteert ende om dat haer lof ghemeert 185[regelnummer] daer af worde so seid sijt voerd dat si van har hoerde dees woerd..

Vorige Volgende