Leven van Sinte Lutgart
(1987)– Broeder Geraert–
Auteursrechtelijk beschermd
[Folio 82v]
| |
85[regelnummer]
Doen si anderwerf nyet node
te moese geuast hadde ende te brode
so was har oppenbard dat si
derdewerf de maghet vri
de feesteleke uasten soud ontfaen
90[regelnummer]
dar met dat si soud doen vergaen
ende af keren dat quaet daer si
voer sorgde sere de maget vri
dat nekende der heileger kerken was
van enen minsche als ic las
95[regelnummer]
die viant was der heileger kerken
ende van dier tijt so mochtmen merken
dat si al toet in haer doed
haer uasten om en genen noet
en brac ya noch opten pasdach
100[regelnummer]
Na dees seuen iaer so lach
si neder ende starf gestelike
ende voer met gode in hemelrike
daer ic af namaels sal seggen bat
daert sal hebben bat sijn stat.
|
|