Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[2] wie dat de meester van der predekeer ordene bruder iordaen verdranc ende hoe hi der gu^oeder lutgarden oppenbaerde. 25[regelnummer] Na dien tijt soen leet nyet lanc dat der predekere meester verdranc met tween brudren ende daer toe met veel lieden, nv hoert hoe ons here met hem wonder wracht 30[regelnummer] Een licht quam in der seluer nacht van den hemelle scinende claer neder toet ind scep al daer de lichame doed lach ende warp tehant den lichame vten scepe opt lant 35[regelnummer] dar quam een clare lampe di sceen derdewerf ende virdewerf op hen tween op hem ende sinen enen geselle nv hoert dits wonder dat ic telle dat di lampe keerde saen 40[regelnummer] ende wart van eenre wolken ontfaen. Daer na gheuyelt int selue iaer
[Folio 81v]
in kersauonde ouer waer datte werde lutgard lach in haren gebede alsi plach 45[regelnummer] van der priemtijt toten middaghe et es de waerheit en es geen sage daer quam haer grote donkereit toe in den geeste, ende quam har doe mettien seluen ane, een vaer 50[regelnummer] ende sprac toet gode doen oppenbaer here wat gevuel ic nv wat eest dat ic gevuele van v had ic enegen vrient waerlike in ertrike ocht in hemelrike 55[regelnummer] di uoer mi bade in mocht nyet wale dees swarheit gevuelen noch dees quale als dit met tranen seide lutgart so vertoende haer een geest teruart ende quam haer uoer har ogen daer 60[regelnummer] die so scone was ende so claer dat si en const gekinnen nyet wale doen sprac si toet dien geeste dees tale wie ghi sijt dat laet mi verstaen
[Folio 82r]
ic ben sprac hi brueder iordaen 65[regelnummer] meester van der predekeren ordine ic ben doed, ende sonder pine ben ic ter euweger glorien verhauen ende ben hier nv ter groter gauen comen toet v in dit hoghtide 70[regelnummer] dat ic v sal troesten ende maken blide sijt seker dat v god sal lonen ende cortelinge met hem sal cronen. Doen bat hem voer enen man lutgart ende hi andwerdde ende sprac dees waert 75[regelnummer] om die gorsamheit die hi jn allen dingen toende mi ende oec om dat hi v so sere minde in gode onsen here so sal god van hemelrike 80[regelnummer] met hem doen genedelike Als hi dat geseght hadde soe veruoer hi ende liet se so uroe ende also wel getroest al si noyt was te uoren de maget vri.

Vorige Volgende